Электр желілеріне қосылудың техникалық шарттары
- Электр желісіне қол жеткізу үшін энергия беруші немесе энергия өндіруші ұйым көппәтерлі құрылыстарда тұратын тұтынушыларды қоспағанда, әрбір тұтынушыға техникалық шарттар береді.
Көппәтерлі құрылыстарда тұратын тұтынушылардың электр желісіне қол жеткізу үшін энергия беруші (энергия өндіруші) ұйым кондоминиум объектісін басқару органының уәкілетті өкіліне техникалық шарттар береді.
Құрылыс салуды ұйымдастыру және құрылыс саласында рұқсат беру рәсімдерінен өту қағидаларында көзделген жағдайларда техникалық шарттарды беру тәртібі, «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасы Заңының 20-бабының 23-14 тармақшасына сәйкес бекітіледі және көрсетілген ережелермен анықталады.
Энергия беруші немесе энергия өндіруші ұйымдар цифрлық майнинг бойынша қызметті жүзеге асыратын тұлғаларға электр желісіне қол жеткізу үшін техникалық шарттар берген кезде жүйелік операторды берілген күннен бастап күнтізбелік 10 (он) күн ішінде осындай техникалық шарттар берілгені туралы хабардар етеді.
- Электр желілеріне қосылудың техникалық шарттары тұтынушыға электр желілеріне қосылуға техникалық шарттар беру үшін еркін нысандағы өтініштің және өтінішке сұрау парағының негізінде беріледі, (бұдан әрі – сауалнама парағы) электр энергиясын пайдалану қағидаларынының 3-қосымшасына сәйкес нысаны бойынша (бұдан әрі-қағидалар).
Электр қондырғыларының белгіленген қуаты 5 МегаВатт және одан жоғары тұтынушылар жобалық қызметпен айналысуға лицензиясы бар мамандандырылған жобалау ұйымы әзірлеген тұтынушының сыртқы электрмен жабдықтау схемасы, сауалнама парағына қоса береді.
«Тұтынушыны сыртқы электрмен жабдықтау схемасының» мазмұны осы қағидалардың 4-қосымшасына келтірілген. Тұтынушыны сыртқы электрмен жабдықтау схемасы желілеріне қосылу жоспарланып отырған энергия беруші және (немесе) энергия өндіруші ұйыммен келісіледі.
Қосылуға техникалық шарттарды энергия беруші немесе энергия өндіруші ұйым мынадай жағдайларда береді:
- жаңадан енгізілетін немесе реконструкцияланатын электр қондырғыларын энергия беруші (энергия өндіруші) ұйымның электр желілеріне қосу;
- бұрын берілген техникалық шарттарда көрсетілген қуаттан тұтынылатын электр қуатын ұлғайту;
- сыртқы электрмен жабдықтау схемасының өзгеруі;
- тұтынушының электр энергиясын қабылдағыштарын электрмен жабдықтау сенімділігі санатының өзгеруі.
Энергия беруші немесе энергия өндіруші ұйым тұтынушыдан еркін нысанда өтініш алғаннан кейін 5 (бес) жұмыс күні ішінде жаңадан енгізілетін немесе реконструкцияланатын электр қондырғыларын қосуға электр желілерінің баланстық тиесілігін және тұтынушыны қосу схемасымен тараптардың пайдалану жауапкершілігін ажырату актісімен бірге жасалған және қол қойылған техникалық шарттар береді.
Салынып жатқан объектілерді электрмен жабдықтау үшін тұтынушыға құрылыс кезеңінде уақытша техникалық шарттар беріледі.
Техникалық шарттарды беру энергия беруші ұйымның электр желілеріне немесе энергия өндіруші ұйымның электр қондырғыларына қосылудың техникалық мүмкіндігі болған жағдайда жүзеге асырылады.
Желілер немесе қосылудың техникалық мүмкіндігі болмаған жағдайда, техникалық шарттар жобаланатын желілердің иесімен техникалық шарттар келісілгеннен кейін жобаланатын желілерден беріледі.
Техникалық шарттарды беру және қайта ресімдеу үшін ақы алынбайды.
Электр қондырғылары тұтынушылардың электр желілеріне қосылатын тұтынушылар техникалық шарттарды тұтынушылардан алады және тұтынушыға техникалық шарттар берген энергия беруші (энергия өндіруші) ұйыммен келіседі.
Тұтынушымен келісім бойынша энергия беруші немесе энергия өндіруші ұйымның қосалқы тұтынушыларға техникалық шарттар беруіне жол беріледі.
- Энергия беруші ұйымның электр желілеріне немесе электр қондырғыларына тұтынушыны қосуға арналған техникалық шарттарда мыналар көрсетіледі:
1) техникалық шарт берілген жеке тұлғаның тегі, аты, әкесінің аты (бар болса) немесе заңды тұлғаның атауы;
2) Электрмен жабдықтау объектісінің атауы;
3) объектінің орналасқан жері (қала, кент, көше);
4) электр тұтынуға рұқсат етілген қуат;
5) электр энергиясын тұтыну сипаты (тұрақты, уақытша, маусымдық);
6) электрмен жабдықтау сенімділігі санаты;
7) рұқсат етілген қуат коэффициенті;
8) қосылу нүктелері (қосалқы станция, электр станциясы немесе электр беру желісі);
9) қосылатын электр беру желілеріне (бұдан әрі – ЭБЖ) және қосалқы станциялардың жабдықтарына қойылатын негізгі техникалық талаптар;
10) жаңа тұтынушының пайда болуына байланысты қолданыстағы электр желісін күшейту жөніндегі негізделген талаптар-сымдардың қималарын ұлғайту, трансформаторлардың қуатын ауыстыру немесе ұлғайту, тарату құрылғыларының қосымша ұяшықтарын салу;
11) техникалық шарттарды беру себебі;
12) техникалық шарттардың қолданылу мерзімі.
Егер энергия беруші (энергия өндіруші) ұйымда, сондай – ақ меншік құқығында электр энергиясын коммерциялық есепке алудың автоматты жүйесі (бұдан әрі-ЭКЕАЖ) орнатылған трансформаторлық қосалқы станциялары бар тұтынушыларда, қосымша техникалық шарттарда мыналар бойынша талаптар көрсетіледі: АСКУЭ қолдана отырып, электр энергиясын коммерциялық есепке алуды ұйымдастыру; электр қондырғыларын релелік қорғау және автоматика, диспетчерлік басқару құрылғыларымен жарақтандыру: телеөлшеу, телебасқару және байланыс арнасын ұйымдастыру; реактивті қуатты өтеу.
Техникалық шарттардың қолданылу мерзімі электр қондырғысын жобалау мен салудың нормативтік мерзімдеріне сәйкес келеді.
Құрылыс басталған объектілер бойынша техникалық шарттардың қолданылу мерзімі тұтынушының қолданылу мерзімі аяқталғанға дейін берген өтініші бойынша ұзартылады.
- Техникалық шарттарда көрсетілген талаптармен келіспеген жағдайда тұтынушы энергетикалық сараптама жүргізу үшін сараптама жасау ұйымына жүгінеді. Сараптама жасау ұйымы энергия беруші (энергия өндіруші) ұйымға жүгінген кезде тұтынушының өтініші бойынша энергия беруші (энергия өндіруші) ұйым барлық сұратылған мәліметтерді ұсынады.
Тұтынушы техникалық шарттарда көрсетілген талаптардың негізсіздігі туралы энергетикалық сараптаманың қорытындысы негізінде энергия беруші (энергия өндіруші) ұйымға техникалық шарттарды алуға еркін нысанда өтінішті қайта береді.
Техникалық шарттарда көрсетілген талаптарды өзгертуден қайта бас тартқан жағдайда тұтынушы энергия беруші (энергия өндіруші) ұйымның әрекеттеріне Қазақстан Республикасының азаматтық заңнамасында белгіленген тәртіппен шағымданады.
- Мәлімделген қуаты 5 мегаваттан (бұдан әрі — МВт) жоғары электр желісін пайдаланушыларды энергия беруші (энергия өндіруші) ұйымның электр желісіне қосуға арналған техникалық шарттар жүйелік оператормен келісіледі. Мәлімделген қуаты 1-5 МВт электр желісін пайдаланушыларды энергия беруші (энергия өндіруші) ұйымның электр желісіне қосуға арналған техникалық шарттардың көшірмелері бір ай ішінде жүйелік операторға мәлімет үшін жіберіледі.
Мәлімделген қуаты 5 МВт-тан жоғары электр желісін пайдаланушыларды энергия беруші (энергия өндіруші) ұйымның электр желісіне қосуға арналған техникалық шарттар жүйелік оператормен келісілмеген жағдайда, электр желісінің тиісті пайдаланушылары энергия беруші (энергия өндіруші) ұйымның электр желілеріне қосылмайды.
«Тұтынушының сыртқы электрмен жабдықтау схемасының» мазмұны
| 1 | Электрмен жабдықтаудың қазіргі жай-күйіне шолу және 3(5)-10 жылға даму перспективалары; |
| 2 | тұтынушылардың электр жүктемелері және оларды жабу көздері; |
| 3 | қуат пен электр энергиясының баланстары (қазіргі жағдайы және 3(5)-10 жылға арналған перспектива); |
| 4 | сыртқы электрмен жабдықтау схемасының нұсқалары; |
| 5 | ұсынылатын сыртқы электрмен жабдықтау схемасының негіздемесі; |
| 6 | көршілес электр желілері бар қаралатын ауданның электр режимдерін (қалыпты, апаттан кейінгі режимдер) есептеу; |
| 7 | жабдықты таңдау үшін қысқа тұйықталу ток деңгейлерін есептеу; |
| 8 | релелік қорғаныс және автоматика, аварияға қарсы автоматика принциптері; |
| 9 | диспетчерлік және технологиялық басқаруды ұйымдастыру қағидаттары; |
| 10 | электр энергиясын есепке алу; |
| 11 | энергия үнемдеу бойынша жоспарланған іс-шаралар; |
| 12 | электр желісі құрылысының көлемі, құрылыс құнының ірілендірілген есебі; |
| 13 | қорытындылар; |
| 14 | сызбалар: схемалық схемалар, карталар-схемалар немесе ситуациялық жоспар, электр режимдерін есептеу нәтижелері, диспетчерлік және технологиялық басқаруды ұйымдастыру схемалары. |
